Ballkani vs Shkupi, sot përballja shqiptare në “Play Off-in” e Ligës së Konferencës

Mbrëmjen e së enjtes do të zhvillohet sfida mes ekipeve shqiptare të Ballkanit dhe Shkupit, në “Play off”, për të siguruar një biletë në fazën e grupeve të Ligës së Konferencës.

Ndeshja do të zhvillohet në stadiumin “National Arena” në Shkup në orën 21:00, ndërsa gjyqtar kryesor i takimit do të jetë norvegjezi Kristjanson.

Për Ballkanin kjo është një arritje historike, por kualifikimi në fazën e grupeve përveç historisë, do të sillte edhe përfitime të mëdha ekonomike.

Nën urdhrat e trajnerit Ilir Daja, Ballkani të mërkurën e ka zhvilluar stërvitjen e fundit para ballafaqimit të sotëm, ku u zyrtarizua edhe transferimi i sulmuesit malazez Dejan Zarubica, i cili ka firmosur një kontratë 2-vjeçare me kampionët e Kosovës.

LEXONI GJITHASHTU

• Ballkani me përforcime para ndeshjes me Shkupin, afron sulmuesin malazez