Banesa në SHBA përfshihet nga flakët, 8 të vdekur, mes tyre 6 fëmijë

Tetë persona u gjetën të vdekur në një shtëpi pranë Oklahoma, SHBA pas një zjarri në shtëpi të enjten, dhe policia tha se po hetonte çështjen si vrasje.

Autoritetet nuk bënë me dije identitetet e viktimave, por mësohet se mes tyre ishin 6 fëmijë anëtarë të një familje.

“Fqinjët deklaruan ndaj policisë se një familje me dy të rritur dhe gjashtë fëmijë jetonin në shtëpi”, tha Ethan Hutchins, një zëdhënës i Departamentit të Policisë Broken Arrow në një konferencë shtypi të enjten, raporton CNN. 

Ndërkohë po hetohen shkaqet e zjarrit në Broken Arrow, një periferi rreth 10 milje në juglindje të Tulsa.

“Ka ende shumë për t’u hetuar për sa i përket këtyre identiteteve,” tha të enjten zëdhënësi i policisë Ethan Hutchins.

LEXONI GJITHASHTU: 

• Protesta e pedagogëve, Kovaçi: Nëse nuk na plotësohen kërkesat do bëjmë grevë urie
• Gazment Bardhi në SPAK: Ka përparime në hetimet për inceneratorin e Elbasanit