Bankers bashkëpunon me ‘’Babagjyshi Sekret’’ për të lumturuar fëmijët në Fier

Pandemia e COVID-19 që prej fillimit të saj ka ndryshuar tërësisht rrjedhën normale të jetesës por ajo që vihet rë në këto kohë është zbehja e magjisë së festave. 

Jo të gjithë kanë mundësinë të festojnë siç duhet, e për këtë ka menduar kompania Bankers Petroleum.

Në bashkëpunim me “Babagjyshi Sekret”, magjia e këtyre festave nuk u cenua për disa vogëlushë në Fier, aty ku dhe operon kompania Bankers.

Fëmijëve të zonës iu janë shpërndarë dhurata përmes projektit social, i cili i dedikohet lumturisë së dhuratave ndaj fëmijëve gjatë festave të fundvitit.

Falë letrave të shkruara me dorë, drejtuar Babagjyshit, fëmijët nuk humbin besimin të magjia e festave, ndërkohë stimulojnë dhe krijimtarinë.

Kështu pavarësisht vështirësive që ka shkaktuar pandemia, festat e fundvitit vazhdojnë të nxjerrin në pah solidaritetin social.