Barça dominon Evropën me shumë “hat-trick” këtë sezon

Edhe pse dy qendërsulmuesit e saj nuk janë në formën më të mirë, Barcelona e Hansi Flick mbetet një makineri golash. Me 125 gola në 46 ndeshje zyrtare, katalanasit janë ndër ekipet më sulmuese në Evropë, vetëm Bayern Munich i kalon me 143 gola në 43 ndeshje.

Fuqia e Barçës qëndron tek diversiteti i shënuesve: pesë lojtarë të ndryshëm kanë realizuar “hat-trick” këtë sezon Fermín López, Robert Lewandowski, Ferran Torres, Lamine Yamal dhe Raphinha. Real Madrid dhe Chelsea janë të vetmit ekipe të tjera me tre lojtarë që kanë shënuar të paktën një “hat-trick”.

Statistikat e Sofascore tregojnë se Barcelona është ekipi me më shumë lojtarë që kanë shënuar tre gola në një ndeshje këtë sezon, duke treguar thellësinë dhe potencialin e madh sulmues të skuadrës katalanase, pavarësisht mungesave të formës te yjet kryesorë.

Renditja e ekipeve me më shumë “hat-trick” 2025-26:

• Barcelona: 5
• Real Madrid: 3
• Chelsea: 3
• Bayern Munich, Atletico, PSG, Arsenal, Villarreal, Lyon, Brentford: 2 secili

Kjo shumëllojshmëri e shënuesve e bën Barçën një nga skuadrat më të vështira për t’u ndalur në Ligën e Kampionëve.