BE arrin një marrëveshje të përkohshme për tregtinë e armëve të zjarrit
Bashkimi Evropian arriti sot një marrëveshje të përkohshme mbi rregullat e reja për ta bërë tregtinë legjitime të armëve të zjarrit më transparente, në një përpjekje për të luftuar tregtinë e paligjshme dhe për të mbajtur armët larg nga duart e kriminelëve.
Rregullat e reja, të miratuara nga ligjvënësit dhe presidenca belge e BE-së, do të zëvendësojnë një sërë rregullash të ndryshme kombëtare që e kanë bërë të vështirë tregtimin e armëve të zjarrit dhe vendosjen e pronësisë, raportoi Reuters.
Kur Komisioni Evropian bëri propozimin e tij fillestar në tetor 2022, ai vuri në dukje të dhënat që tregonin se kishte rreth 35 milionë armë zjarri të paligjshme në BE, rreth 56 përqind e të gjitha armëve të zjarrit dhe se 630,000 armë zjarri u renditën si të vjedhura ose të humbura.
Blloku do të zëvendësojë licencimin kombëtar me një sistem elektronik në mbarë BE-në për prodhuesit dhe tregtarët.
Gjuetarët, ekspozuesit ose personat që përdorin armë zjarri për qëllime sportive ose për rishfaqje historike, banorë të BE-së, nuk do të kenë nevojë të mbajnë një leje importi ose eksporti nëse kanë një Leje Evropiane për Armët e Zjarrit.
Vetëm tregtarët dhe agjentët e licencuar do të mund të importojnë produkte gjysëm të gatshme dhe përbërës të armëve të zjarrit.
Të gjitha armët e importuara dhe komponentët thelbësorë duhet të shënohen për të kufizuar disponueshmërinë e “armëve fantazmë” të pashënjuara të prodhuara në shtëpi.
Rregullat e reja, të cilat ende duhet të miratohen zyrtarisht nga qeveritë e BE-së dhe Parlamenti Evropian, nuk zbatohen për eksportin e armëve të zjarrit për qëllime ushtarake në Ukrainë.
LEXONI GJITHASHTU:
- Kur do të mbahet rundi i ri i dialogut mes kryenegociatorëve të Kosovës dhe Serbisë
- Kampionati shqiptar në fazën e 4-ët, Egnatia rrezikon kreun e klasifikimit
Polonia dhe Ukraina, përplasja në aleancën anti-Putin?
Presidenti zviceran do të vizitojë SHBA-në, kërkon marrëveshje tregtare mbi taksat e Trump
Çmimet e konsumit në mbarë Evropën, cilat vende janë më të shtrenjtat dhe më të lirat?
- 11:48 Rutte në vizitë në Shtëpinë e Bardhë, kreu i NATO-s përpiqet të zbusë tensionet me presidentin Trump
- 11:42 Rubio: Çdo marrëveshje me Iranin do të sigurojë sigurinë e aleatëve të Gjirit
- 11:41 SHBA kërkon 88 miliardë dollarë pas luftës në Iran, Trump: Teherani nuk do ketë armë bërthamore, aleatët europianë na braktisën
- 11:39 Elon Musk zbret nën kufirin e 1 trilion dollarëve pas goditjes në tregjet financiare!
- 11:39 Polonia dhe Ukraina, përplasja në aleancën anti-Putin?
- 11:37 Zyrtarët e lartë izraelitë dhe libanezë mohojnë se Izraeli është tërhequr nga një pjesë e Libanit jugor