BE ende pa kuadër negociues për Shqipërinë, reagon ish-ministri Bushati

Ish-ministri i Jashtëm i Shqipërisë, Ditmir Bushati ka shfaqur rezerva për ngrirjen e procesit të zgjerimit në Bashkimin Evropian referuar zhvillimeve më të fundit në përfundim të Presidencës gjermane të BE-së.

Z. Bushati thotë se dështimi për miratimin e një kuadri negociues për procesin e anëtarësimit të Shqipërisë dhe Maqedonisë së Veriut dhe mos hapja e kapitujve të rinj për Serbisë tregojnë një ngecje të procesit.

Në një reagim në Twitter, ish-ministri i Jashtëm e cilëson të pasuksesshme deri tani metodologjinë e re të zgjerimit pasi vetë BE ende nuk ka mbështetur konkluzionet për zgjerimin.

Although @EU_Commission adopted a new enlargement methodology in February, 2020 is ending without a negotiating framework for accession talks with ????; ?? opened the final negotiating chapter; No new chapters opened w/ ??; No endorsement by ?? of enlargement council conclusions.

— Ditmir Bushati (@ditmirbushati) December 18, 2020

“Pavarësisht se Komisioni Europian miratoi metodologjinë e re të Zgjerimit në shkurt, 2020 po përmbyllet pa kuadrin negociues për bisedimet e anëtarësimit me Shqipërinë dhe Maqedoninë e Veriut. Mali i Zi çeli kapitullin e fundit të negociatave; Nuk janë hapur kapituj të ri për Serbinë; Konkluzionet e Këshillit për zgjerimin nuk janë mbështetur nga BE”, shprehet Bushati.