BE heq kufizimet anti-COVID për udhëtarët nga Kosova

Ditën e sotme, Bashkimi Europian ka rënë dakord për heqjen e kufizimeve për të gjithë qytetarët nga Kosova, Bosnje-Hercegovina dhe Mali i Zi që duan të udhëtojnë në vendet anëtare të bllokut.

Kjo do të thotë se qytetarët e këtyre 3 vendeve do të mund të udhëtojnë lirisht në vendet e Bashkimit Evropian për çfarëdolloj arsye si për punë, por edhe për turizëm.

Ky lehtësim i kufizimeve të udhëtimit në këto tri shtete është bërë për shkak të situatës së përmirësuar të pandemisë.

Gjithashtu, rikujtojmë se ndër vendet e tjera me rrezik të ulët nga COVID-19 që mund të hyjnë lirisht në BE janë edhe Shqipëria, Maqedonia e Veriut dhe Serbia.

Megjithatë, qytetarët e këtyre shteteve duhet të respektojnë disa rregulla të caktuara kundër pandemisë. Që një shtet të fitojë statusin e një vendi të sigurt, duhet të regjistrojë në total gjatë 14 ditëve të fundit, 75 raste pozitive me coronavirus për 100.000 banorë.

LEXONI GJITHASHTU:

• Më 1 korrik qytetarët e BE-së mund të udhëtojnë nëpër bllok me anë të certifikatës digjitale
• Euronews English konfirmon listën e vendeve që do të lejohen të udhëtojnë në BE më 1 korrik