BE nis sanksionet ndaj juntës ushtarake në Niger

Anëtarët e Bashkimit Evropian kanë filluar të punojnë për paketën e parë të sanksioneve kundër anëtarëve të juntës ushtarake, e cila mori pushtetin në Niger muajin e kaluar, raportoi sot Reuters, duke cituar një burim të paidentifikuar.

Një zyrtar i BE-së, i cili është i përfshirë në punën për sanksionet, tha se blloku ka nisur diskutimet për kriteret e masave ndëshkuese, duke shtuar se ato do të harmonizohen së shpejti.

“Hapi tjetër do të jetë vendosja e sanksioneve kundër anëtarëve të caktuar të juntës”, tha ai.

Udhëheqësit e Komunitetit Ekonomik të Shteteve të Afrikës Perëndimore (ECOWAS) do të mbajnë nesër një samit të jashtëzakonshëm, pasi ka skaduar afati që ata vendosën për kthimin në pushtet të presidentit të rrëzuar të Nigerit, Muhamed Bazum.

LEXONI GJITHASHTU:

• Blinken: Wagner po përfiton nga grushti i shtetit në Niger
• Rreziku nga ndërhyrja ushtarake, Junta mbyll hapësirën ajrore të Nigerit