BE, SHBA dhe Britania e Madhe: Bashkë për të zgjidhur krizën politike në Mal të Zi 

Bashkimi Evropian, SHBA dhe Britania e Madhe, në reagime të ndara, shprehën shqetësimin e tyre për ndryshimet e miratuara në Ligjin për Presidentin e Malit të Zi.

Vendet u bënë thirrje liderëve të partive që së bashku të gjejnë një rrugëdalje nga “ngërçi aktual politik”.

“Shtetet e Bashkuara janë të shqetësuara për përshkallëzimin e retorikës nxitëse dhe konfrontimin e papërgjegjshëm të liderëve malazezë në ditët e fundit. Ne u bëjmë thirrje të gjitha palëve të punojnë së bashku për të gjetur një rrugëdalje nga kriza aktuale politike, e cila do të ishte në përputhje me Kushtetutën ”, tha ambasadorja e SHBA në Mal të Zi, Judy Rising Reinke në Facebook.

Me rastin e miratimit të ligjit të ndryshuar për Presidentin, ambasadorja e Britanisë së Madhe në Mal të Zi, Karen Maddox i bëri thirrje qeverisë dhe aktorëve të tjerë politikë që të “përmbahen nga hapat që shkaktojnë përçarje të mëtejshme”.

“Ligji që u miratua në Kuvend ka mundësi që prek çështje kushtetuese. Kjo situatë nxjerr në pah se sa jetike është të sigurohet një Gjykatë Kushtetuese funksionale në Mal të Zi”, ka shkruar Maddox në Twitter.

Fjalën e kanë marrë edhe zëdhënësja e Komisionit Evropian, Ana Pisonero Hernandez dhe ambasadorja e BE-së në Podgoricë, Oana Kristina Popa.

LEXONI GJITHASHTU:

• Policia kap rreth 14 kg kokainë në kufirin Shqipëri-Mal i Zi
• Tregu informal i blerjeve në rrjetet sociale, klientët nuk kanë ku të ankohen