Ministrja e Jashtme gjermane Analena Berbock tha sot në Kishinau se Moldavia mund të jetë “e radhës” nëse Ukraina bie dhe se mbështetja për Ukrainën garanton mbijetesën e saj.

“Gjithçka që po bëjmë për të mbështetur Ukrainën nënkupton gjithashtu inkurajimin e stabilizimit në Moldavi. Është e qartë se cili është shqetësimi më i madh: nëse Ukraina bie, Moldavia është vendi i radhës”, tha Berbok gjatë një vizite në Kishinau, ku ajo po merr pjesë në Platforma e Partneritetit të Moldavisë së bashku me përfaqësuesit e Francës dhe Rumanisë, raporton Reuters.

Presidentja moldave Maja Sandu tha se vendi ende përballet me sfida serioze dhe u bëri thirrje partnerëve të rrisin mbështetjen e tyre.

“Lufta e Rusisë kundër Ukrainës, të cilën ne e dënuam ditën e parë, shkaktoi dëme të mëdha në ekonominë tonë. Pasiguria e shkaktuar nga lufta vazhdon të pengojë seriozisht zhvillimin tonë ekonomik dhe do ta pengojë atë për sa kohë që lufta të vazhdojë”, tha Sandu.

LEXONI GJITHASHTU:

• Ukraina dhe Moldavia nisin bisedimet për anëtarësim në BE
• Scholz në Moldavi, lufta në Ukrainë në fokus të bisedimeve