Berisha: Jeni të gatshëm të ndryshoni ligje për të mbrojtur një hajdut

Kryetari i PD-së, Sali Berisha gjatë fjalës së tij në Kuvend e ka cilësuar nismën e qeverisë për ndryshimet ndryshimet në kodin e procedurës penale si “mision i pamundur”. Berisha theksoi se mazhoranca është e gatshme të ndryshojë ligjet vetëm për të mbrojtur kryeministrin Edi Rama të cilin e ka cilësuar si hajdut.

“Ju keni marrë një mision të pamundur. Këtë që po bëni ju, nuk e ka bërë kush kurrë. Ju jeni të gatshëm të ndryshoni ligje për të mbrojtur një hajdut që është damkosur para mbarë shqiptarëve si hajduti kryesor në historinë e kombit, dhe një nga më kryesorët në historinë e Europës.

Ai po u përdor ju si lolo, ai u po përdor ju jo si zare, por si kukulla të vërteta. Ai po u keqpërdor ju në shkallën më ekstreme. Dhe ju që më shihni si me inat gjoja, ja t’u them unë, se këta avoketërit në sallë, kur ndodhen para të huajve, e kyçin gojën. Hajde të jap regjistrimet po deshe. Nuk thonë një fjalë, rrinë si pula”, tha Berisha.