Bërnabiç për Srebrenicën: Zyrtarët serbë nuk shkojnë në përkujtimore derisa të arrestohen ata që sulmuan Vuçiç

Në 26 vjetorin e masakrës së Srebrenicës kryeministrja e Serbisë, Ana Bërnabiç, u shpreh se në vitin 1995 në Srebrenicë “ka ndodhur një krim i tmerrshëm”, por shtoi se zyrtarët e Serbisë nuk mund të marrin pjesë në aktivitete përkujtimore, deri në momentin kur të ndiqen penalisht personat që gjashtë vjet më parë sulmuan kryeministrin e atëhershëm të Serbisë, Aleksandër Vuçiç.

Në korrik të vitit 2015, Vuçiç mori pjesë në përkujtimin e viktimave të gjenocidit në qendrën përkujtimore Potoçari në Srebrenicë, ku disa pjesëmarrës, të pakënaqur me praninë e tij, hodhën shishe plastike dhe sende të tjera në drejtim të tij.

Gjatë luftës në Bosnje në vitet 1990, Vuçiç ishte zyrtar i Partisë Radikale Serbe, e cila kishte formacionet e saj paraushtarake në fushat e betejës në Bosnje Hercegovinë dhe Kroaci.

LEXONI GJITHASHTU:

• Kurti fton vendet e rajonit për të nxjerrë para drejtësisë përgjegjësit e gjenocidit të Srebrenicës
• Zyrtarët e lartë europianë thonë se duhet të ketë ndëshkueshmëri për gjenocidin në Srebrenicë
• Masakra e Srebrenicës, Vjosa Osmani: Akte të tilla duhet të marrin gjykimin e drejtësisë