Besimtarët myslimanë festojnë sot Kurban Bajramin, falin namazin pranë xhamive

Këtë të martë besimtarët myslimanë festojnë Kurban Bajramin. Mëngjesin e sotëm pranë xhamive është bërë edhe falja e namazit nga ana e besimtarëve.

Pas mbarimit të faljes së namazit të Kurban Bajramit, e cila u krye në sheshin “Skënderbej”, kryetari i Komunitetit Mysliman të Shqipërisë, Bujar Spahiu u shpreh se kjo festë duhet të shërbejë si pikë kthese duke iu larguar urrejtjes dhe të bashkëpunojmë me njëri-tjetrin për të ndërtuar një botë sa më të mirë.

“Kurban Bajrami është festa që na kujton sesa e lartë duhet të jetë devotshmëria e njeriut ndaj krijuesit të gjithësisë. Këtë ne e mësojmë nga vendosmëria e profetit Ibrahim. Ushqeni dashuri për hir të Zotit ndaj njëri-tjetrit. T’i lutemi Zotit që t’i bekojë familjet tona”, u shpreh ndër të tjera Bujar Spahiu.

Kurban Bajrami është një festë e rëndësishme për të gjithë botën islame. Kjo festë simbolizon sakrificën dhe mëshirën e madhe për afrimin me Zotin.

LEXONI GJITHASHTU:

• Kryegjyshi i Bektashinjve uron Kurban Bajramin: Bashkë do t’i kalojmë dhe ditët e vështira
• Kurban Bajrami në kushte pandemie, myslimanët falen nëpër xhami
• Pandemia e COVID-19 ul atmosferën e festës së Kurban Bajramit në RMV