Biden kundër Zelenskit: Raketat që ranë në Poloni ishin të Ukrainës

Presidenti i Shteteve të Bashkuara të Amerikës, Joe Biden, kundërshtoi sot komentin e Presidentit të Ukrainës, Volodymyr Zelensky, se raketat që ranë në Poloni nuk ishin me origjinë ukrainase.

“Këto nuk janë dëshmitë”, u tha Biden gazetarëve në Shtëpinë e Bardhë pasi u kthye nga një udhëtim në Azi.

Deklarata e Biden pasoi komentet e shefit të NATO-s dhe Polonisë se shpërthimi i 15 nëntorit në territorin polak ishte shkaktuar nga një raketë e mbrojtjes ajrore ukrainase.

“Nga informacioni që kemi ne dhe aleatët tanë, ishte një raketë S-300 e prodhuar në Bashkimin Sovjetik, një raketë e vjetër dhe nuk ka asnjë provë që është lëshuar nga pala ruse”, tha presidenti polak, Andrzej Duda, më 16 nëntor.

“Ka shumë të ngjarë që të jetë qëlluar nga mbrojtja kundërajrore ukrainase”, shtoi ai.

Sekretari i Përgjithshëm i NATO-s, Jens Stoltenberg, tha gjithashtu se ka të ngjarë të ketë qenë një raketë e mbrojtjes ajrore ukrainase e lëshuar për të rrëzuar raketat në hyrje më 15 nëntor, gjatë asaj që Kievi tha se ishte vala më intensive e sulmeve raketore të Rusisë në qytete në mbarë Ukrainën që nga fillimi i luftës në shkurt.

Megjithatë, Stoltenberg tha se Rusia, jo Ukraina, ishte fajtore për fillimin e luftës.

LEXONI GJITHASHTU:

• Zelensky: Ukraina nuk është fajtore për raketën në Poloni
• Ukraina këmbëngul: Kemi ‘gjurmë ruse’ në sulmin në Poloni