Biden: Mund të jetë më e lehtë të arrihet një armëpushim në Liban sesa në Gazë

Presidenti amerikan, Joe Biden, ka sugjeruar se negocimi i një marrëveshjeje armëpushimi mes Izraelit dhe Hezbolloahut mund të jenë më i lehtë sesa ai mes Izraelit dhe Hamasit.

Hezbollahu është grup militant dhe parti politike që kontrollon shumicën e Libanit jugor. Sikurse dhe grupi palestinez, Hamas, ai është i shpallur organizatë terroriste nga SHBA-ja. Ndërkaq, Bashkimi Evropian e konsiderohen Hamasin organizatë terroriste, dhe eka në listën e zezë vetëm krahun politik të Hezbollahut, që ka ulëse në Parlamentin libanez.

Biden tha se gjatë takimit me udhëheqësit e Gjermanisë, Francës dhe Britanisë në Berlin ka diskutuar për mënyrat se si t’i jepet fundit konfliktit në Lindjen e Mesme, pasi një ditë më parë Izraeli vrau në Gazë udhëheqësin e Hamasit, Yahya Sinwar.

Pas takimit në Berlin me kryeministrin britanik, Keir Starmer, presidentin francez, Emmanuel Macron, dhe kancelarin gjerman, Olaf Scholz, Biden u tha gazetarëve se liderët “mendojnë se ka mundësi për të punuar për një marrëveshje armëpushimi në Liban, por një marrëveshje e tillë do të jetë më e vështirë për Gazën”.

Sinwar u vra më 17 tetor nga forcat izraelite në Gazë dhe Biden ka zhvilluar një bisedë telefonike sot me kryeministrin izraelit, Benjamin Netanyahu.

Udhëheqësi amerikan nuk tregoi nëse Netanyahu e ka siguruar se izraelitët janë të gatshëm të kthehen në tavolinën e negocimit për të tentuar që të arrihet një marrëveshje armëpushimi dhe marrëveshje për lirimin e pengjeve.

LEXONI GJITHASHTU:

• “Gaza është kthyer në djerrinë të pajetueshme”, shefi i UNRWA: Ja rreziqet reale
• SHBA i kërkon Izraelit të përmirësojë gjendjen humanitare në Gaza