Bie çmimi i naftës, me sa do të tregtohen karburantet

Bordi i Transparencës ka ndryshuar sërish çmimet e tregtimit të karburantëve në vend. Pas rritjes që pësoi çmimi i naftës dhe benzinës, këtë të enjte ato kanë pësuar një rënie të lehtë.

Çmimi i shitjes me pakicë për naftën të jetë jo më shumë se 193 lekë/litri, duke shënuar një ulje me 4 lekë për litër.

Çmimi i shitjes me pakicë i benzinës do të jetë jo më shumë se 190 lekë/litri, duke qëndruar në të njëjtat nivele me çmimin e mëparshëm.

Ndërkohë që çmimi i shitjes me pakicë i gazit, do të jetë 80 lekë për litër.

Çmimi i gazoilit për peshkim është vendosur 99 lekë/litër.

Bordi bën me dije se çmimet e reja do të hyjnë në fuqi në datë 8 mars, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.