Çmimi i naftës në bursë ka rënë me 3% të mërkurën.
Në fillim të kësaj jave, çmimi i naftës pësoi një rritje të lartë, duke e çuar naftën në karburantet në Shqipëri nga 197 në mbi 260 lekë litri.
Nafta qe rritur në 129.57 dollarë për fuçi në bursë, por zbriti në 111.69 dollarë të mërkurën.
Kjo çoi edhe në uljen e çmimit të naftës në karburantet në Shqipëri në 240 lekë litri.
Por sa mund të merret kjo zbritje në konsideratë kur sërish çmimi i naftës është mbi 50 lekë më shumë se pak ditë më parë.
Kompanitë e importit të naftës i kërkuan qeverisë zyrtarisht që ulë taksat për 6 muaj, në mënyrë që kjo të reflektohet te zbritja e çmimit.
Ndërkohë, të mërkurën u zhvillua një protestë kundër rritjes së çmimeve përpara kryeministrisë.