Bie ndjeshëm çmimi i naftës, SHBA fut në treg rezervat

Çmimet e naftës kanë rënë ndjeshëm pas raportimeve se SHBA do të ndërmarrë hapa të rinj për të ulur kostot e larta të karburantit.

Administrata Biden raportohet se po shqyrton futjen në treg të 1 milion fuçi naftë çdo ditë. Nëse konfirmohet, ky do të jetë lëshimi më i madh që nga krijimi i Rezervës në 1974.

Njoftimi pritet të bëhet publik nga kreu i Shtëpisë së Bardhë, i cili do të shpjegojë planet e administratës për të përballur çmimet e karburanteve.

Lufta në Ukrainë ka tronditur tregjet globale të energjisë duke shtuar shqetësimet se furnizimet do të reduktohen.

LEXONI GJITHASHTU:

• Të shtohen panelet diellore për të reduktuar varësinë nga gazi rus, thotë BE-ja
• A mund të jenë aeroportet me panele diellorë e ardhmja?
• Samiti i klimës, objektivi i Biden: 50% emetime më pak brenda 2030-s