Bie numri i testimeve, 13 të vdekur nga Covid-19 në Kosovë

Në Kosovë në 24 orët e fundit janë zbuluar 609 raste pozitive nga 1590 teste të kryera. Lajmi bëhet i ditur nga Instituti Kombëtar i Shëndetësisë Publike, i cili shton se 13 qytetarë e kanë humbur betejën me Covid-19, duke e çuar numrin total të viktimave në 939.

“Numri total i rasteve pozitive është 35.549 raste nga 134.318 persona të dyshimtë në virusin SARS-CoV-2 dhe 939 raste të vdekjes. Gjatë 24 orëve të fundit, janë shëruar 350 pacientë derisa numri i përgjithshëm i të shëruarve deri më sot është gjithsej 21.746 raste, kurse numri i rasteve aktive është 12.864”, thekson IKSHPK-ja.

Rastet pozitive në Kosovë:

Prishtinë 276 raste, Mitrovicë 53 raste, Gjilan 35 raste, Podujevë 30 raste, Vushtrri 27 raste, Fushë-Kosovë 25 raste, Pejë 23 raste, Skenderaj 19 raste, Ferizaj 17 raste, Drenas 13 raste, Obiliq 12 raste, Prizren 11 raste, Lipjan 10 raste, Klinë 9 raste, Viti 8 raste, Deçan 7 raste, Istog 7 raste, Suharekë 7 raste, Gjakovë 5 raste, Kamenicë 4 raste, Rahovec 3 raste, Shtime 3 raste, Junik 2 raste dhe me nga 1 rast komunat  Graçanicë, Kaçanik dhe Mamushë.

Ministria e Shëndetësisë si dhe specialistët e shëndetit u kanë bërë thirrje të vazhdueshme qytetarëve, që të respektojnë masat anticovid, të ruajnë distancën dhe të shmangin vendet ku ka grumbullime të shumta.