Bie prodhimi i energjisë, KESH nis të blejë energji jashtë

Hidrocentralet në Drin nuk po prodhojnë energji për të mbuluar nevojat vendase. Për këtë arsye, KESH ka nisur të blejë energji elektrike jashtë vendit, duke shpenzuar për 2 javë rreth 10 mln euro.

Temperaturat e larta dhe mungesa e reshjeve ka rikthyer nevojën për të ulur prodhimin e energjisë elektrike dhe për ta blerë atë në tregjet e huaj.

Përgjatë dy javëve të fundit, KESH ka shpallur tre ankande për të blerë mbi 95 mijë megavat dhe i ka finalizuar ato duke paguar 9.8 mln euro.  

Çmimi i një megavati është kuotuar në gjatë muajit qershor nga 65 deri në 220 euro, por KESH ka arritur të bëjë blerje me cmim mesatar 105 euro.

Ky vit ka qenë i mbarë për sistemin energjitik vendas, me një normë prodhimi rrethe 30% më të lartë se vitin e kaluar.

Shit-blerjet e energjisë elektrike janë të zakonshme në procedurat që realizon KESH për të menaxhuar tre hidrocentralet e kaskadës së Drinit, ku gjatë këtij viti në Fierzë dhe Koman niveli i ujit ka qenë në kuotat më të larta historike.

LEXO GJITHASHTU:

• Dy këshilltarë i paraqesin Trump planin për t’i dhënë fund luftës në Ukrainë
• Blinken emëron Tom Sullivan si këshilltar për të zëvendësuar Chollet