Bien çmimet e naftës, shkak shpresa për një marrëveshje paqeje SHBA-Iran

Çmimet e naftës kanë rënë ndjeshëm dhe tregjet e aksioneve aziatike janë rritur me shpresën e një marrëveshjeje që mund t’i japë fund luftës SHBA-Izrael me Iranin.

Sekretari i Shtetit i SHBA-së, Marco Rubio tha gjatë një vizite në Indi se negociatorët kanë një çështje mjaft të fortë në tryezë dhe një marrëveshje për t’i dhënë fund konfliktit mund të arrihet të hënën.

Të hënën në Azi, çmimi i naftës Brent ra me 5.5% në 97.90 dollarë për fuçi, ndërsa nafta e papërpunuar e tregtuar në SHBA ishte 5.9% më e ulët në 90.93 dollarë.

Presidenti i SHBA-së, Donald Trump, kishte thënë më parë se marrëveshja do të përfshinte rihapjen e rrugës kryesore të transportit detar të Ngushticës së Hormuzit, pa dhënë detaje të mëtejshme.

Rruga e ngushtë ujore, përmes së cilës kalon zakonisht rreth një e pesta e naftës dhe gazit natyror të lëngshëm (LNG) në botë, është mbyllur në mënyrë efektive që nga fillimi i konfliktit më 28 shkurt.

Indeksi i aksioneve Nikkei 225 në Japoni u rrit mbi 65,000 për herë të parë, pasi fitoi 3% me shpresën se ngushtica do të rihapej së shpejti.

Japonia, ashtu si Koreja e Jugut fqinje, është prekur veçanërisht nga konflikti pasi ato varen shumë nga energjia nga Gjiri.

Tregjet e energjisë dhe financiare në Mbretërinë e Bashkuar dhe SHBA janë të mbyllura të hënën për shkak të festave zyrtare.

“Jemi ende në proces. Siç thashë, menduam se mund të kishim disa lajme mbrëmë. Ndoshta sot”, tha Rubio në kryeqytetin indian, Delhi.

Komentet e tij erdhën pasi Trump tha se i kishte udhëzuar negociatorët të mos nxitoheshin për një marrëveshje, pasi më parë kishte sugjeruar se një e tillë ishte afër arritjes së saj.

Trump tha në rrjetet sociale të shtunën se pati një bisedë shumë të mire me udhëheqësit e Arabisë Saudite, Emirateve të Bashkuara Arabe, Katarit dhe të tjerëve në lidhje me një “Memorandum Mirëkuptimi që lidhet me PAQEN”.

“Një marrëveshje është negociuar kryesisht, e cila i nënshtrohet finalizimit midis Shteteve të Bashkuara të Amerikës, Republikës Islamike të Iranit dhe vendeve të tjera të listuara”, tha Trump.

Presidenti nuk dha detaje të mëtejshme mbi marrëveshjen, por ka këmbëngulur se çdo marrëveshje do ta pengonte absolutisht Iranin të pajiset me armë bërthamore.

Por të dielën, ai tha në Truth Social: “Të dyja palët duhet të marrin kohën e tyre dhe ta bëjnë siç duhet. Nuk mund të ketë gabime!”