Bisedimet për armëpushim pa rezultat, Rusia dhe Ukraina shkëmbejnë sulme me dronë

Një tjetër sulm rus në qytetin ukrainas të Kharkivit të enjten në mëngjes la gjithashtu 33 të plagosur. Delegacionet ukrainase dhe ruse u takuan të mërkurën në mbrëmje në Stamboll në raundin e tretë të bisedimeve për armëpushim.

Asnjëra palë nuk dukej se kishte shumë shpresë për përparim para fillimit të bisedimeve, të cilat sipas kreut të delegacionit ukrainas zgjatën mezi një orë. Kreu i delegacionit rus, Vladimir Medinsky, tha se të dy vendet ranë dakord të shkëmbenin 1,200 të burgosur lufte dhe se Rusia kishte ofruar të transferonte 3,000 trupa të ushtarëve të rënë ukrainas në Kiev.

Por nuk u ndërmorën hapa të prekshëm për t’i dhënë fund konfliktit, i cili tani ka hyrë në vitin e katërt, dhe të dyja palët akuzuan njëra-tjetrën se i kishin hedhur poshtë idetë e tyre.

“Nuk prisnim një përparim. Një përparim është vështirë se i mundur”, tha të enjten zëdhënësi i Kremlinit, Dmitry Peskov.