Bledar Milaqi: Sugjerojmë votimin me postë për emigrantët, nëse nuk realizohet për 25 prillin, do jetë dështim

Përfaqësuesi i diasporës në Komisionin Qendror të Zgjedhjeve zoti Bledar Milaqi komentoi në Euronews Albania deklaratën e Arben Pëllumbit, që emigrantët të votojnë në zgjedhjet e 2025.

Zoti Milaqi u shpreh se ky do të jetë një dështim i madh i qeverisë.

“Nëse do të ecet me këtë gjykimin e zotit Pëllumbi që i gjithë diskutimi rreth çështjes së votës dhe realizmit të votës së mërgatës shqiptare jashtë vendit do të realizohet në vitin 2025, ky do të jetë një dështim i madh dhe flas si qeveri”, tha ai.

Ai theksoi se gjithë emigrantët mund të votojnë në zgjedhjet e 25 prillit dhe kjo nuk është e pamundur.

“Ne nuk e kemi vënë kurrë në dyshim që diçka e tillë do të ishte e realizueshme për vitin 2025. I gjithë diskutimi, si grup interesi pranë tryezës teknike në KQZ është fokusuar në mundësin e realizimit teknik për zgjedhjet e ardhshme të vitit 2021”, tha ai.

Zoti Milaqi nënvizoi më tej se sugjerimi i tyre është që emigrantët të votojnë me postë.

“Ne kemi shqyrtuar 3 mënyra, mënyra e votimit elektronik, votimi pranë përfaqësive diplomatike dhe ai me postë”, tha ai.

“Sugjerimi jonë i drejtpërdrejtë edhe i grupit tonë të votës ka qenë gjithmonë çështja e votimit me postë”, tha ai.

Lexoni gjithashtu:

Emigrantët, PS propozon votë me postë për zgjedhjet e 2025