Blinken kërkon takim me Lavrovin për herë të parë që nga fillimi i luftës

Sekretari amerikan i shtetit, Anthony Blinken ka shprehur dëshirën për t’u takuar me ministrin e Jashtëm rus, Sergei Lavrov për herë të parë që prej fillimi të luftës në Ukrainë.

Diplomati i lartë amerikan tha se pritet të bëjë një telefonatë me homologun e tij rus këtë javë për të diskutuar një “propozim thelbësor” të paraqitur në Moskë disa javë më parë për përpjekjet për të siguruar lirimin e dy amerikanëve të ndaluar gabimisht, Paul Whelan dhe Brittney Griner, shkruan CNN.

Blinken planifikon gjithashtu të diskutojë marrëveshjen e nënshkruar së fundmi për të lejuar drithin ukrainas të kalojë tranzit përmes Detit të Zi.

Ai theksoi se nuk do të negocionte në një telefonatë me Lavrov, duke përsëritur se ata nuk do të diskutonin për Ukrainën pa Ukrainën.

LEXONI GJITHASHTU

• Moska paralajmëron për pasoja nëse Ukraina përdor armë të prodhuara nga SHBA
• Çmimet e gazit rriten pasi Rusia shkurton furnizimin në Gjermani
• Kush janë dy oligarkët rusë që presin pasaportë portugeze?