Blinken: SHBA-ja po punon për zgjatjen e armëpushimit në Sudan

Sekretari amerikan i Shtetit, Antony Blinken, tha të enjten se Shtetet e Bashkuara të Amerikës po punojnë me gjeneralët ndërluftues të Sudanit për ta zgjatur armëpushimin para se të skadojë

Blinken tha se ai priste të zbulonte më shumë detaje “gjatë orëve në vijim” mbi situatën në Sudan, ku ushtria ka rinisur sulmet ajrore ndaj paraushtarakëve rivalë në kryeqytetin Khartoum edhe para skadimit të armëpushimit në mesnatë.

“Ne jemi duke punuar shumë, në mënyrë aktive, për ta zgjatur armëpushimin”, u tha Blinken gazetarëve.

“Ne kemi pasur një armëpushim 72 orësh, i cili si, shumica e armëpushimeve, nuk është i përsosur, por megjithatë e ka reduktuar dhunën. Dhe padyshim ka krijuar kushte disi më të mira për njerëzit në Sudan”, tha ai.

Blinken tha se Shtetet e Bashkuara të Amerikës po punonin gjithashtu për ta lehtësuar largimin e të huajve nga Sudani.

LEXONI GJITHASHTU:

• Blinken: Rrjedhja e inteligjencës nuk ka ndikuar në bashkëpunimin me partnerë
• OBSH paralajmëron për rrezikun e shpërthimit biologjik në Sudan