Bllokimi i aeroportit, shoqërohen disa prej kontrollorëve të Albcontrol

Policia e Shtetit ka nisur shoqërimin e disa prej kontrollorëve të Albcontrol në Rinas pas bllokimit të punës.

Prokuroria e Rrethit Gjyqësor, Tirane ka filluar hetimet për vepër penale për “shpërdorim detyre”.

Nga ana e oficereve të policisë gjyqësore, po kryhen veprimet e duhura hetimore për zbardhjen e rrethanave të ngjarjes së ndodhur.

Sipas prokurorisë po vijojnë veprimet hetimore në drejtim të evidentimit të rolit të secilit prej personave të përfshire në këtë ngjarje.

Ministrja e Infrastrukturës, Belinda Balluku gjatë intervistës për Euronews Albania tha se greva është e paligjshme pasi bëhet fjalë për një sektor jetik.

Gjithashtu ministrja theksoi se për këtë vendim nuk ka pasur asnjë njoftim dhe funksionimi i Albcontrol është pezulluar menjëherë.

Lexoni gjithashtu:

Balluku: Situata në Rinas për të prishur imazhin e vendit dhe për të bllokuar vaksinat