Bllokimi i Rrugës së Kombit, dalin para gjykatës 4 të arrestuarit

Nën masa të shumta sigurie kanë mbërritur në Gjykatën e Lezhës 4 të arrestuarit për protestën dhe bllokimin e rrugës së Kombit.

Besnik Paci,48- vjeç, banues në Lezhë, sipas policisë “organizatori i protestës së paligjshme”, edhe tre të rinj aktivistë të Lëvizjes Vetëvendosje nga Kosova, Etnik Berisha, 22 vjeç, Endrit Bytyqi, 21-vjeç dhe Çlirim Gerbeshi, 22-vjeç, që morën pjesë në protestën e banorëve të Thirrës në Mirditë, kundër hidrocentralit  dhe fabrikës së ujit, që do të ndërtohej atje, do të akuzohen për  “Organizim dhe pjesëmarrje në grumbullime dhe manifestime të paligjshme”, “Pengimi i qarkullimit të mjeteve të transportit” si dhe “Mosbindja ndaj urdhrit të punonjësit të Policisë së rendit publik”.

Pritet që prokuroria të kërkojë masë sigurie “burg pa afat”, ndërkohë që në gjendje të lirë janë proceduar edhe 30 persona të tjerë.

Lexoni gjithashtu:

4 aktivistë në komisariat, LVV në Shqipëri: Të ndalet keqpërdorimi i policisë nga pushteti