Bolonja eliminon Interin nga Superkupa, penalltitë vendosin fituesin

Asnjë skuadër e Milanos nuk do të jetë në finalen e Superkupës së Italisë, pasi ashtu si Milan edhe Inter u eliminua nga kompeticioni. Në gjysmëfinalen e së premtes ndaj Bolonjës, ziklatrit nuk arritën do të marrin një rezultat pozitiv, por u eliminuan pas ekzekutimit të 11 metërshave. Koha e rregullt u mbyll në barazim 1-1, ku në bazë të rregullores së këtij kompeticioni, shkohet direkt në gjuajtjen e penalltive, jo kohë shtesë.

Në tërësi Interi luajti më mirë se kundërshtari, madje realizoi i pari me Thuram që në nisje të sfidës, në minutën e 2-të. Fraksioni i dytë nuk solli ndryshime, duke bërë që fituesi të zgjidhet pas gjuajtjes së penalltive, ku për çudi, Bolonja rezultoi më e saktë. Lautaro Martinez hapi serinë e penalltive dhe realizoi, por më pas te zikaltrit gabuan Bastoni, Barella dhe Bonny. Golin e dytë e shënoi De Vrij.

Te Bolonja ishin më të saktë, shënuan 3 gola me Ferguson, Rowe dhe Immobile, ndërsa gabuan Moro dhe Miranda. 1-1 u mbyll koha e rregullt dhe 3-2 fitoi në penallti Bolonja ndaj zikaltërve që eliminohen nga gara. Bolonja tani do të përballet në finalen e madhe me Napolin, duel që luhet më 22 dhjetor.