Kryeministri i Mbretërisë së Bashkuar Boris Johnson do të përballet me votëbesimin gjatë ditës së sotme.
Kryeministri britanik Boris Johnson do të përballet me një votëbesim nga vetë partia e tij gjatë ditës së sotme, gjë që mund të çojë në largimin e tij nga detyra.
Zyrtari i partisë Sir Graham Brady tha të hënën në mëngjes se kishte marrë letra nga 54 ligjvënës që kërkonin votim për udhëheqjen e Johnson-it.
Nëse Johnson humbet votën mes 359 ligjvënësve konservatorë, ai do të zëvendësohet si lider dhe kryeministër. Nëse fiton, ka të ngjarë të jetë i sigurt edhe për një vit.
Votimi do të zhvillohet të hënën rreth orës 18:00 dhe 20:00 sipas kohës së Mbretërisë së Bashkuar rezultati pritet të shpallet menjëherë pas votimit.
Kërkesa e ligjvënësve për largimin e Johnson-it vjen pas skandalit të festave kur mori pjesë kryeministri britanik, ndërkohë që vendi ishte në izolim për shkak të COVID-19.
LEXONI GJITHASHTU:
