Përfaqësuesi i Lartë i BE-së për Punë të Jashtme dhe Siguri, Josep Borrell, tha se në takimin me kryeministrin Albin Kurti në Berlin diskutuan për situatën në veri pas vendimit për targat.

Nëpërmjet një postimi në Twitter, Borrell shprehet se veprimet përçarëse, siç është djegia e veturave në veri, janë të papranueshme derisa bëri thirrje për përmbajtje nga të gjitha palët.

“Ishte mirë takimi me kryeministrin Albin Kurti përpara “Procesit të Berlinit”. Diskutuam situatën në veri të Kosovës. Veprimet përçarëse, si djegia e veturave, janë të papranueshme. Marrëveshjet e dialogut duhet të respektohen. Ftojmë të gjithë që të veprojnë me përmbajtje. Ne diskutuam gjithashtu rrugën përpara për normalizim”, shprehet ai në rrjetet sociale.

Sipas vendimit zyrtar, nga data një 1 nëntor 2022 të gjithë pronarëve të mjeteve që qarkullojnë me targa të tilla ilegale në Kosovë, nga Policia e Kosovës do t’iu vendoset gjobë.

Nga 21 nëntori deri më 21 janar, pronarët që kanë ende makina me targat serbe në Kosovë, do të gjobiten me 150 euro.

LEXONI GJITHASHTU:

• Scholz: Normalizimi i marrëdhënieve Kosovë-Serbi të përshpejtohet
• Kurti takim me Borrell dhe Lajçak para Samitit të Berlinit
• Presidentja Osmani iu nënshtrua një ndërhyrje kirurgjikale