Bottas “mbret” në Rusi, Hamilton renditet i treti, Ferrari sërish larg pritshmërive

Të gjithë prisnin që të ishte Luis Hamilton ai që do të fitonte çmimin e madh të Rusisë por ishte Valteri Botas, piloti tjetër i Mercedes, ai që arriti ta kalonte i pari vijën e finishit në garën e Formula 1 të zhvilluar në Sochi.

Ferrari duhet të kënaqet me vendin e gjashtë, që u arrit nga LeClerc. Sebastian Vettel zhgënjeu edhe një herë tjetër duke dëshmuar kësisoj se po kalon një moment mjaft negativ. Gjermani e mbylli garën e 13-të, shumë larg pritshmërive të tifozëve të kokëkuqes.

Valtteri Bottas është fituesi i çmimit të madh të Rusisë në Formula 1. Finalndezi arriti kohën më të mirë në garën e së dielës në Sochi, pavarësisht se nuk u nis i pari.

Sytë e të gjithëve ishin nga piloti tjetër i Mercedes, Lewis Hamilton. Gjashtë herë kampioni i garave me makina është vetëm një sukses larg legjendës Majkëll Shumaker por përsëri britaniku duhet të mjaftohet me vendin e tretë e të tentojë në garat e radhës suksesin e 91-të.

Në podium u ngjit dhe Max Verstappen I Red Bull, i cili e mbylli garën në vendin e dytë.

Në renditjen e përgjithshme, Hamilton ndodhet në vendin e parë e pas tij është pozicionuar Botas, e me shumë gjasa titulli edhe këtë edicion do të përfundojë në shtëpinë e Mercedes.