Brazili kufizon hyrjen e emigrantëve aziatikë, shkak flukset në SHBA dhe Kanada

Brazili do të fillojë të vendosë kufizime për hyrjen e disa shtetasve të huaj nga Azia, të cilët po kërkojnë strehim në kombin e Amerikës së Jugut si një mjet për të emigruar në Shtetet e Bashkuara dhe Kanada.

Kjo u bë e ditur këtë të mërkurë nga  zyra e shtypit e ministrisë së drejtësisë.

Lëvizja, e cila do të fillojë të hënën, do të prekë emigrantët aziatikë që kërkojnë viza për të qëndruar në Brazil.

Një hetim i Policisë Federale ka treguar se këta migrantë shpesh blejnë fluturime me ndalesa në aeroportin ndërkombëtar të Sao Paulos, rrugës për në destinacione të tjera, por qëndrojnë në Brazil si një vend nga ku ata fillojnë më pas udhëtimin e tyre në veri, sipas dokumenteve zyrtare të ofruara për Associated Press.

Më shumë se 70% e kërkesave për strehim në aeroport vijnë nga njerëz me kombësi indiane, nepaleze ose vietnameze, thotë një nga dokumentet.

Duke filluar nga java e ardhshme, udhëtarët pa viza ose do të duhet të vazhdojnë udhëtimin e tyre me avion ose të kthehen në vendin e tyre të origjinës, tha ministria.

LEXONI GJITHASHTU:

• Nis largimi i 62 trupave të pajetë prej aeroplanit të rrëzuar në Brazil
• VIDEO| Momenti i rrëzimit të avionit në Brazil, ku vdiqën 62 persona