Përveçse shtatë herë kampion bote në Formula 1, Lewis Hamilton tashmë gëzon edhe titullin “Sir“.

Britanikut 35-vjeçar iu akordua ky titull sipas listës së Mbretëreshës Elizabet për nderimet e Vitit të Ri, që vlerësjnë politikanë, artistë dhe persona të tjerë, për kontributin e tyre në luftën ndaj coronavirusit dhe në çështje të tjera me ndjeshmëri publike.

Nderimi për Hamilton vjen pas një sezoni fantastik të pilotit, i cili këtë vit barazoi rekordin e Michael Schumacher sa i përket numrit të kampionateve të fituara në Formula 1.