“BSH të udhëheqë…”- Eksperti: Shumica e popullsisë rurale pa llogari bankare

Eksperti i ekonomisë, Fatos Çoçoli, është shprehur se shumica e popullsisë rurale në Shqipëri është pa llogari bankare.

Komentet Çoçoli i bëri në Euronews Albania, ku tha se Banka e Shqipërisë duhet të drejtojë bankat e nivelit të dytë drejt përthithjes më të madhe të popullsisë.

Ai tha se pajisja me llogari bankare është një proces që duhet kryer sa më parë dhe shtoi se pagesat njerëzit duhet të mësojnë t’i kryejnë edhe përmes kartave të kreditit apo të debitit dhe jo vetëm Cash.

“Roli i BSH është i tillë që të udhëheqë gjithë anëtarët e qeverisë së vetë. T’i udhëheqë bankat tregtare drejt një përthitje më të madhe të popullsisë. Ne kemi një popullsi rurale, ku të paktën janë rreth 550 mijë mbi 18 vjeç. Dhe nga këta, të paktën 400 mijë nuk kanë llogari bankare.

Pavarësisht se fermerët me marrjen e niptit dhe këto janë pajisur me llogari bankare. Ne folëm edhe për pensionistët.

Pagesat mund t’i kryejmë edhe përmes kartave të kreditit dhe debitit. Por na është bërë edhe zakon. Më shumë e shoh si një apel. Kryefjala e ditës është të përshpejtojmë punën pa u nxituar, për të parë gjithë efektet negative që mund të lërë ky proces për shoqërinë tonë”, tha Çoçoli.

LEXONI GJITHASHTU:

• SPAK sekuestron HEC-in e Erzen Breçanit dhe llogaritë bankare të Ervin Matës
• Dokumenti| Zbardhet shuma e parave të sekuestruara Malltezit në 6 llogaritë bankare