Bullgaria shënon raste rekord ditore me koronavirus

Numri i të infektuarve me koronavirus në Bullgari ka shkuar në 6.813 në 24 orët e fundit, njoftuan të mërkurën autoritetet.

Virusi ka vrarë 124 persona në 24 orët e fundit, duke e çuar numrin total të vdekjeve në 23. 440.

Vendi më pak i vaksinuar i Bashkimit Evropian po përballet me një valë të katërt të pandemisë.

Qeveria e përkohshme vendosi certifikatën shëndetësore në shumicën e ambienteve publike të brendshme në një përpjekje për të ngadalësuar përhapjen e variantit më ngjitës Delta dhe nxitjen e vaksinimeve në vend.

Marrja e vaksinave është katërfishuar që kur injektimi u bë i detyrueshëm të enjten e kaluar. Më shumë se 26.000 doza të reja u administruan në 24 orët e fundit, duke e çuar numrin total të të rriturve të vaksinuar në 1.46 milionë njerëz.

Të martën vonë, ministri i përkohshëm i Shëndetësisë, Stoiço Katsarov tha se situata në spitale ishte kritike dhe u bëri thirrje bullgarëve që të respektojnë kufizimet.

Nga 700 shtretër të kujdesit intensiv në të gjithë vendin, 608 janë të zënë.

LEXONI GJITHASHTU:

• Agjencia shëndetësore e BE-së: Sezoni i gripit mund të jetë i rëndë për të moshuarit
• Belgjika rivendos masa të reja anti-COVID, shkak numri i lartë i infektimeve