Bundesliga, Dortmundi rikthehet në lojën për titull duke fituar ndaj Leipzig

Në javën e pesëmbëdhjetë të kampionatit gjerman, Erling Haaland dhe Jadon Sancho i dhuruan fitoren 3-1 Dortmundit në transfertën e vështirë me Leipzig. Dortmundi rihap kështu shpresat për luftën për titull duke iu afruar më tej kreut.

Në stadiumin e Leipzig ndeshja nisi mjaft mirë për skuadrën e 38-vjeçarit kroat Edin Terzic, por u desh të pritej minuta e 55-të për të parë një gol nga anglezi Sancho. Rreth 20 minuta më vonë në rrjetë vajti edhe shtatlarti norvegjez Halland, i cili ripërsëriti veten edhe në minutën e 84-të. Në fund për Leipzigun ngushoti diferencën Sorloth.

Kjo ishte fitorja e katërt në pesë ndeshjet e para të Dortmundit nën drejtimin e Terzic, i cili nga ndihmëstrajner mori detyrat kryesore pas largimit të Lucien Favres në dhjetor.

Verdhezinjtë përfituan të shtunën nga ndalesa në barazim 1-1 që Bayer Leverkusen bëri me Werder Bremen, rezultati i tretë zhgënjyes për të ashtuquajturit “Ekipi i Aspirinave”.

Kështu Dortmundi shkon në kuotën e 28 pikëve dhe ngjitet në vendin e katërt, 4 pikë larg Bayer Munich që të premten u mund 3-2 nga Borussia Munchengladbach.

Në krye lufta për titull mbetet e hapur, ku përveç Bayernit dhe Leipzigut, tashmë edhe Bayer dhe Dortmund janë në lojë.

Lexoni gjithashtu:

Serie-A, Milan rikthehet te fitorja, Atalanta mposht 4-1 Beneventon

La Liga, Real Madrid ndalet në barazim nga Osasuna, përfiton Barcelona

NBA, talenti LaMelo Ball realizon rekord ”triple-double”