Burg kundërshtarit të luftës, Rusia dënon me 8 vjet kritikun e konfliktit në Ukrainë

Një figurë e njohur e opozitës ruse është dënuar me 8 vjet e gjysmë burg për kritikat e bëra në adresë të Kremlinit lidhur me luftën në Ukrainë.

Ilja Jashin u akuzua për përhapje të informacioneve të rreme lidhur me ndërhyrjen ushtarake dhe u dënua në kuadër të një ligji të ri të miratuar pas pushtimit.

Ai u konsiderua nga gjykata përgjegjës për një transmetim në YouTube, ku fliste për vrasjen e ukrainasve në Buça.

Ndërsa Jashin mbajti një qëndrim sfidues teksa lexohej verdikti, mbështetësit e tij jashtë gjykatës së Moskës shprehën zemërimin e tyre.

Jashin ishte një nga figurat e pakta kritike të Kremlinit që kishte qëndruar në Rusi gjatë ofensivës kundër disidentëve që kundërshtonin luftën.

Përpara se gjykatësi të shpallte vendimin, ai e cilësoi gjyqin si të motivuar politikisht dhe paralajmëroi se burgu nuk do ta ndalojë të thotë të vërtetën mbi konfliktin.

LEXONI GJITHASHTU:

• Rusia liron basketbollisten amerikane në këmbim të tregtarit të armëve
• Putin: Rusia nuk do të përdorë e para armët bërthamore