Ushtria kolumbiane liron 39 persona të rrëmbyer nga rebelët, dy viktima dhe 5 të plagosur

Ushtria e Kolumbisë njoftoi se kishte liruar 39 persona të rrëmbyer nga ELN,  grupi më i vjetër rebel në Amerikë, në një zonë të largët në veriperëndim.

Dy ushtarë u vranë dhe pesë të tjerë u plagosën kur rebelët hodhën një pajisje shpërthyese të improvizuar.

Rebelët rrëmbyen 39 civilë, përfshirë dy fëmijë, në një rrugë në një zonë rurale në Choco, ku shërbimet e inteligjencës thonë se ELN mban një prani të fortë dhe financohet nga trafiku i drogës dhe shfrytëzimi i minierave të paligjshme, kishte njoftuar më parë ushtria.

Viktimat e rrëmbimit po udhëtonin në dy automjete që u ndaluan nga guerilasit. Luftëtarët e ELN kishin bllokuar një rrugë që lidh departamentin e Choco, në bregdetin e Paqësorit, i cili kufizohet me Panamanë, me qytetin e Medellin.

Autoritetet njoftuan pasdite lirimin e 39 të rrëmbyerve, të cilët u transportuan me helikopter në një bazë ushtarake në kryeqytetin e prefekturës.