Burg për atentatorin e Hekuran Billës, 22-vjeçari mohon akuzën në Gjykatën e Tiranës

22-vjeçari i arrestuar për vrasjen e Hekuran Billës është lënë në burg nga Gjykata e Tiranës. I riu ka mohuar edhe në gjykatë akuzën, duke sqaruar se ai kishte qenë në zonën e Komunës së Parisit, aty ku u vra 40-vjeçari Billa, për të bërë pazar.

Pavarësisht këtyre pretendimeve, prokuroria ka sjellë prova të cilat e implikojnë 22-vjeçarin, Sebastian Malin, në këtë atentat i cili sipas akuzës ka pasur rolin e vëzhguesit.

Në fund, gjykata është bindur duke e lënë në qeli deri në fund të hetimeve. Të hënën do të dalë para  gjykatës edhe shtetasi me inicialet V.M., i cili u ndalua dy ditë më parë në Mal të Zi. Mbi këta dy persona rëndon akuza e vrasjes për shkak të gjakmarrjes dhe armëmbajtje pa leje.

Motiv i atentatit të 11 qershorit dyshohet se është një vrasje e ndodhur në Angli në vitin 2006. Po sot gjykata la në burg edhe shtetasin me inicialet G. H i cili u ndalua dy ditë më parë më një arsenal armësh të cilësuara si mjaft të rrezikshme.

Sipas policisë, ai dyshohet se ka qëlluar mbi një kompleks të njohur në autostradën Tiranë-Durrës.

Lexoni gjithashtu:

Arrestohet i kërkuari i dytë për vrasjen e Hekuran Billës

VIDEO| Skema e atentatit, ndjekja dhe precizioni i qitësit pasagjer në mjetin e autorëve

Gjyqtarja që nxori nga burgu Indrit Doklen liroi edhe Hekuran Billën, prokuroria ishte dakord