Rekrutonte luftëtarë të ISIS-it, shpallet fajtor kosovari në SHBA

Një ish-banor i Nju Jorkut, Mirsad Kandiç, me origjinë kosovare është shpallur fajtor nga gjykata e Bruklinit për rekrutimin e luftëtarëve islamikë të ISIS-it.

40-vjeçari pritet të dënohet me burgim të përjetshën në nëntor të këtij viti, teksa prokurorët thanë se ai ishte një anëtar i rangut të lartë të ISIS, raporton Reuters.

Ai udhëtonte në Lindjen e Mesme me qëllim marrjen e armëve për militantët, ku autoritetet amerikane i cilësojnë ata si grup terrorist.

Sipas prokurorëve, Kandiç ka udhëtuar Siri për t’iu bashkuar grupit islamik në vitin 2013 dhe më pas ndihmoi luftëtarët e tjerë vullnetarë nga vendet perëndimore të udhëtonin në Siri.

Kandiç dyshohet se ndihmoi një australian, Jake Bilardi, të udhëtonte në Turqi dhe më pas të kalonte kufirin në Siri për t’u bashkuar me ISIS.

Të dhënat e gjykatës treguan se një trup gjykues e dënoi atë të martën për gjashtë akuza, duke përfshirë sigurimin e mbështetjes materiale për ISIS.

Në një deklaratë prokurori më i lartë federal në Brooklyn tha se veprimet e Kandiç ishin të lidhura drejtpërdrejt me sulmet dhe humbjet e konsiderueshme të jetës.

Avokatët e Kandiç nuk iu përgjigjën menjëherë një kërkese për koment. Kandiç u arrestua në Bosnje dhe u ekstradua në Shtetet e Bashkuara në vitin 2017.

Prokurorët gjithashtu thanë se Kandiç drejtonte një treg privat në Telegram, ku anëtarët postonin armë zjarri dhe pajisje të tjera ushtarake për shitje.

LEXONI GJITHASHTU

• Mediat amerikane: FBI–ja zbulon komplotin e ISIS-it për të vrarë George Bush-in
• SHBA vret liderin e ISIS në Siri