Qëllohet për vdekje me thikë nga bashkëshorti një 45-vjeçare në Krujë

45-vjeçarja me iniciale K.I është qëlluar për vdekje me thikë nga burri i saj, 51-vjeçari me iniciale A.I dhe dyshohet se motiv i ngjarjes ka qenë xhelozia.

Ngjarja e rëndë ka ndodhur në orën 10:45 të mëngjesit të kësaj të hëne, brenda mjetit tip “Ford”, në afërsi të një magazine në fshatin Bubq të Krujës.

Pas aktit të rëndë, 51-vjeçari ka tentuar të dëmtojë edhe veten me mjet prerës (thikë) dhe është transportuar në spital, ku ndodhet nën kujdesin e mjekëve.

Dhuna ndaj grave është një problem i shoqërisë shqiptare, ku gjatë 2 viteve të fundit janë vrarë të paktën 23 gra.

Sipas policisë gjatë vitit 2020, janë evidentuar dhe trajtuar gjithsej 4701 raste të dhunës dhe krimeve të tjera të ndodhura në marrëdhëniet familjare.

Në total janë trajtuar me kërkesë–padi “Për lëshimin e Urdhrit të Menjëhershëm të Mbrojtjes/Urdhrit të Mbrojtjes”, 2816 raste të dhunës në familje.

LEXONI GJITHASHTU:

• “Me djegie në 90 për qind të trupit”, mjekët thonë se hedhja në pishinë nuk i ndihmoi të plagosurit e Velipojës
• Shpërthen bombola e gazit në një hotel në Velipojë, plagosen 4 anëtarë të një familjeje, mes tyre një fëmijë
• Vrasja e 4 personave në Velipojë sjell largimin e turistëve