Pedagogu Enver Bytyçi e konsideron nismën rajonale Ballkani i Hapur, një iniciativë pa rregulla.
Në një intervistë për “Euronews Albania”, ai u shpreh se Ballkani i Hapur, ndryshe nga Procesi i Berlinit, nuk monitorohet nga evropianët.
Sipas tij, Ballkani i Hapur nuk ka asnjë dokument të nënshkruar, ku përcaktohen disa rregullambi të cilat kjo iniciativë duhet të funksionojë.
“Paqen, stabilitetin dhe sigurinë në rajon e garantonte dhe Procesi i Berlinit. Pse duhej abandonuar, hedhur në kosh dhe të zëvendësohej me një iniciativë rajonale tipike pa monitorim nga europianët? Në krijimin e Ballkanit të Hapur, nuk ka një traktat themelimi, mbi bazën e të cilit të përcaktohen rregullat e vendimmarjes.
Është një iniciativë pa rregulla. Pa përcaktuar parimet dhe normat mbi bazën e të cilave do funksionojë, pa përcaktuar të drejtat dhe deyrimet e çdo anëtari që vullnetarisht do bëhet pjesë e kësaj iniciative. Nëse Procesi i Berlinit i përmbahet rregullave të BE-së, Ballkani i Hapur nuk ka asnjë dokument të shkruar dhe të nënshkruar mbi rregullat”, theksoi Bytyçi.
LEXONI GJITHASHTU
