Çaktivizohet një bombë nga Lufta e Dytë Botërore, u zbulua në Dresden! Evakuohen 18 mijë banorë

Një bombë britanike e pashpërthyer e Luftës së Dytë Botërore në Dresden është çaktivizuar në Gjermani. Pjesa më e madhe e qendrës së qytetit u evakuua pasi pajisja prej 250 kg u zbulua pranë ish-urës Carola, e cila u shemb në lumin Elpe në vitin 2024.

Në orën 15:10 të mërkurën, specialistë nga shërbimi i asgjësimit të municioneve shpërthyese hoqën detonatorin nga bomba dhe më pas e shpërthyen atë.

Brigada e zjarrfikësve në Dresden tha se ky ishte evakuimi më i madh i qytetit deri më sot, duke prekur rreth 18,000 banorë, turistë dhe udhëtarë.

Pjesa më e madhe e qytetit ishte e ndaluar të hynte, duke përfshirë ndërtesa të famshme si kisha luterane Frauenkirche, Pallati Residenzschloss dhe Opera Semper.

Selia e policisë, parlamenti i shtetit të Saksonisë, disa ministri, azile pensionistësh dhe pleqsh, qendra kujdesi ditor dhe institucione të tjera sociale ishin gjithashtu në zonën e evakuuar.

Bomba do të dërgohet në pikën qendrore të grumbullimit në Zeithain për asgjësim. Dresdeni u sulmua nga avionët britanikë më 13 shkurt 1945. Në ditët që pasuan, britanikët dhe aleatët e tyre amerikanë hodhën gati 4,000 ton bomba në sulmin ndaj qytetit.

Stuhia e zjarrit që pasoi vrau 25,000 njerëz dhe shkatërroi qendrën e qytetit, e njohur dikur si Kutia e Xhevahireve për shkak të arkitekturës së saj baroke. Katër bomba të tjera u gjetën gjatë punimeve të prishjes në Urën Carola vitin e kaluar.