Çelet me një ekspozitë konkursi i parë mbarëkombëtar i letërsisë satirike-humoristike në Pogradec

Karikaturat e përbotshme, të aktualitetit dhe jetës së përditshme çelën konkursin e parë mbarëkombëtar të letërsisë satirike-humoristike Niko Nikolla, të mbajtur në Pogradec.

Një nga karikaturistet gra në Kosovë, Luljeta Goranci ka sjellë për herë të parë në ekspozitë rreth 30 punime.

“Jam karikaturiste e vetme në Kosovë, kam shumë vite që punoj, mbi 50 vite që merrem me karikature. Ekspozita e parë është kjo në Shqipëri. Me shumë kam marrë tema që u takojnë femrave, por ka edhe politike. Ka shumë gjëra momentale, korona, ngrohja globale, pra gjithçka. Natyrisht nëpërmjet karikaturës përcjell mesazhe”, tregoi Luljeta Goranci.

Vajza e karikaturistit Niko Nikolla, shprehet se ky konkurs ka bërë bashkë edhe këtë vit karikaturistë nga gjithë bota.

“Është një ngjarje e rëndësishme në Pogradec, kemi një zonjë artiste që fikson ne karikature e saj momentet botërore që ndodhin sot”, tha Flora Nikolla.

Konkursi në nder të karikaturistit Niko Nikolla do të mbyllet këtë të dielë me natën gala të ndarjes së çmimeve në Tushemisht ku paralelisht do të ketë edhe ekspozime të librave humoristikë.

LEXONI GJITHASHTU:

• Hapet Teatri i Operas dhe Baletit, performojnë Placido Domingo dhe Ermonela Jaho
• Këngëtarja e njohur greke koncert në Tiranë
• Fituesit e filmit në Venecia, filmi shqiptar ‘Vera andrron detin’ fiton dy çmime