Çështja Tahiri kthehet në Apelin e Gjykatës së Posaçme

Gjykata e Lartë pranoi kërkesën e ish-mininistrit të Brendshëm Saimir Tahiri për rikthimin e çështjes së tij në Gjykatën e Posaçme të Apelit me një trup të re gjykuese.

Avokati Haxhia argumentoi shkeljet proceduriale që konstatoi Gjykata e Lartë, ndërsa theksoi se në Apelin e GJKKO-së do të kërkohet sërish pafajësia për Tahirin.

Gazetari i Euronews Albania Eni Ferhati raportoi se duhet pritur dhe qëndrimi i SPAK në Gjykatën e Posaçme të Apelit pasi më herët ka kërkuar që Tahiri të dënohej me 12 vite burg, por shkalla e parë i dha pafajësinë ish-ministrit.

Saimir Tahiri është akuzuar më herët për trafik narkotikësh dhe grup kriminal në bashkëpunim me klanin “Habilaj”.

Në shkallën e parë, Tahiri u dënua me 3 vite shërbim prove për akuzën e shpërdorimit të detyrës, ndërsa Gjykata Posaçme e Apelit prishi këtë vendim duke urdhëruar gjykimin nga e para me një trup tjetër gjykuese.

Pikërisht për këtë vendim, Tahiri iu drejtua Gjykatës së Lartë me rekurs, ndërsa kjo e fundit pritet të shprehet mbi vijueshmërinë e një prej proceseve më të bujshme të viteve të fundit.

LEXONI GJITHASHTU:

• Arrestohen dy truprojat e ish-ministrit Saimir Tahiri
• Gjykata e Lartë shqyrton më 28 shtator çështjen e ish-ministrit Saimir Tahiri
• Trupa gjykuese e Tahirit dhe Çelës nuk ndryshon pavarësisht shortit të gabuar