“Çështjet e nxehta”, kryeprokurori Çela: Presim rivlerësimin e Policisë

Kryeprokurori Olsian Çela raportoi sot në Kuvend për veprimtarinë e institucionit që drejton.

I pyetur për hetimet për çështje të nxehta, prokurori i Përgjithshëm tha se pritet rivlerësimi nga ana e Policisë së Shtetit.

“Për shkak të kompetencës që ka prokuroria, mënyra sesi ndërvepron prokuroria me Policinë e Shtetit, në momentin e pezullimit të një dosje për zbulim autori, është në kompetencë të prokurorisë për të kryer veprime në zbulim të autorëve. Prokuroria hyn në këtë fazë në momentin, në të cilën Policia e Shtetit i paraqet fakte për të vlerësuar nëse mundet për të rifilluar hetimet”, u shpreh kryeprokurori.

Çela pranoi se stoku i dosjeve apo ngjarjeve të pazbuluara është i lartë.

“Unë nuk mund të flas sot për çështje konkrete. Por, mund të them që në kuptim të prioriteteve vlerësimi i materialeve që Policia e Shtetit ka në drejtim të zbulimit të autorëve, ka qenë përherë prioritet dhe do të jetë edhe prioritet edhe për vitin 2021. Stoku i dosjeve të pezulluara, i ngjarjeve të pazbuluara është relativisht i lartë dhe këtu ka nevojë për një rivlerësim të situatës nga nga ana e Policisë së Shtetit dhe ne do i japim mbështetje të nevojshme policisë në kuptim të kryerjes së veprimeve hetimore”, përfundoi ai.

Gjatë raportimit në kuvend për gjendjen e kriminalitetit për vitin 2020, kryeprokurori ngriti shqetësimin e numrit të ulët të prokurorëve dhe gjyqtarëve.

LEXONI GJITHASHTU:

Kryeprokurori Olsian Çela raporton në KLP: Duhet forcim i llogaridhënies, problem vakancat në disa prokurori

Olsian Çela kërkesë ILD-së për hetim për dy prokurorë dhe kreun e prokurorisë Dibër

Kryeprokurori Olsian Çela mesazh të qartë: Kemi kërkuar hetime të shpejta për krimet zgjedhore