Çfarë i vlerëson mazhorancës aktuale? Jorida Tabaku përgjigjet në Euronews Albania

Kandidatja për deputete e Partisë Demokratike, Jorida Tabaku, tha se mazhoranca i ka shkaktuar një dëm të madh vendit në këto tetë vite.

“Nuk e kemi maninë që kanë këto “që çdo gjë fillon me mua”. Kjo ka qenë mania e këtyre në tetë vite, që i ka bërë keq Shqipërisë”, tha ajo.

Përballë analistëve, znj. Tabaku u pyet nëse i njeh ndonjë arritje mazhorancës aktuale dhe për këtë ajo dhe këtë përgjigje: “Ku ka gjerë të mira, jam absolutisht me vullnet për t’i marrë ato. Për shembull në 2013, kam përshëndetur faktin që kishte shumë gra në qeveri”, tha Tabaku.

Ajo theksoi se çështja që duhet t’i bashkojë palët politike është procesi i integrimit, ndërsa tha se PD-ja ka arritjet më të mëdha në këtë fushë.

“Për mua procesi i integrimit është një proces që çdo qeveri duhet të ndërtojë mbi të. Ajo është një gjë që na bashkon të gjitha forcave politike dhe fatmirësisht në forcën time politike kemi pasur arritjet më të mëdha dhe fatmirësisht them se do t’i kemi edhe pas 25 prillit”, tha Tabaku.

Lexoni gjithashtu: 

Jorida Tabaku: PD ka ‘grup për mbrojtjen e votës’ më 25 prill

“Asnjë ish-ministër në kabinetin Basha”, Jorida Tabaku ‘zbulon’ kushtin për t’u bërë pjesë e qeverisë

Jorida Tabaku: Të gjitha PPP do t’i kalojmë në skaner, do japim me koncesion vetëm burimet natyrore

Jorida Tabaku: Votues të zhgënjyer të PS në 2013, sot po mbështesin PD

Bashkëqeverisje PD-PS pas 25 prillit? Jorida Tabaku jep përgjigjen e prerë

Tabaku zbërthen dobitë e taksës së sheshtë: Paga 0-30 mijë lekë nuk do taksohet