Çfarë ndodhi në edicionin e 80-të Golden Globes, kush çoi në shtëpi trofeun e artë

Ceremonia e ndarjes së çmimeve Golden Globes është mbajtur mbrëmjen e djeshme. Mes dhjetra nominimeve ja dolën të triumfonin vetëm disa prej tyre.

Çmimet prestigjoze të ‘’Golden Globes’’ shënuan këtë herë edicionin e tyre të 80- të në një ceremoni që u mbajt në Beverly Hills Hilton në Kaliforni. Nominimet për figurat më të spikatura të filmit dhe televizionit amerikan për vitin që lamë pas u bënë publike më 12 dhjetor të vitit të shkuar, teksa mbrëmjen e djeshme u shpallën triumfuesit.

Steven Spielberg ja doli të Çonte në shtëpi një golden globes si regjisori më i mirë për “The Fabelmans” një film me në fokus historinë që zë fill në pas luftën e dytë botërore dhe një adoleshent që dëshiron të bëhet kineast.

Unë jam fshehur nga kjo histori që në moshën 17-vjeçare, kam pasqyruar shumë detaje të rrugëtimit tim në këtë histori.

U shpreh Spielberg lidhur me filmin, Çka nënkupton se Fabelmans është një histori gjysmë-autobiografike e bazuar në adoleshencën e tij dhe vitet e para si regjisor.

Teksa aktoria autraliane Cate Blanchet u cilësua si aktorja më e mirë, për debutimin e saj në filmin ‘’TAR’’’. Ky është globi i katërt i artë në karrierën e aktores, e cila zgjodhi të mos ishte e pranishme në ceremony për ta tërhequr. Një produksion i Univesrsal Pictures, TAR rrëfen historinë e rënies së Lydia TAR.

Ndërsa McDonagh’s “The Banshees of Inisherin” ja dolën të rrëmbenin tri Çmime në të njejtën mbrëmje, duke përfshirë skenarin më të mirë për McDonagh dhe aktorin më të mirë në një komedi për Colin Farrrell.

Historia tragjikomike e dy miqve të përjetshëm në një ishull të largët në brigjet perëndimore të Irlandës vodhi veç zemrave të publikut edhe ato të jurisë.

LEXO GJITHASHTU:

• Luvri nuk është më për të gjithë, hyrja pritet të bëhet ekskluzive
• ‘Parisi i Ballkanit’, National Geographic repotazh për Voskopojën
• ‘Lumë’ turistësh në kalanë e Argjiros, në vitin 2022 e vizituan 180 mijë turistë