‘Lumë’ turistësh në kalanë e Argjiros, në vitin 2022 e vizituan 180 mijë turistë
Kalaja e Gjirokastrës, falë vlerave historike dhe arkitektonike, është një prej pikave tërheqëse për turistët vendas dhe të huaj.
Edhe në këto ditë dimri Kalaja e Gjirokastrës është një prej monumenteve më të preferuar nga turistët vendas dhe të huaj. Tashmë ajo është kthyer në një pikë të rëndësishme për guidat turistike dhe zhvillimin e turizmit.
Kalaja e gurtë e Gjirokastrës me gjithë në stinën e ftohtë, sërish mirëpret vizitorë nga vende të ndryshme të botës. Ata prekin nga afër muret dhe bedenat e gurta, të cilat janë dëshmitarë të ngjarjeve historike. Gjithashtu ky monument është edhe skenë natyrore e organizimit të Festivalit Folklorik Kombëtar.
“Kemi shumë emocione se këtu ka kërcyer vjehrri im në 3 festivale. Kur e pamë skenën u mahnitëm. Si monument është shumë i bukur, është tërheqës”, thotë një vizitor.
“Ne jemi nga Prishtina. Mbrëmë kemi ardhur në Gjirokastër, tani kemi ardhur në kala. Shumë bukur duken restaurime të mira. Por shpresojmë të vazhdojë kështu edhe te pjesa që ishte duke u restauruar dhe shpresojmë të ketë sa më shumë vizitorë sepse ia vlen, është shume bukur”, shprehen një çift nga Kosova.
Përgjatë 2022 Kalaja e Gjirokastrës u vizitua nga rreth 180 mijë turistë ndërsa shifra e vizitueshmërisë synon të rritet gjatë këtij viti kryesisht nga të huajt.
LEXONI GJITHASHTU:
Vritet një polic gjatë një operacioni në Maliq, plagoset një tjetër
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve
- 08:13 Vritet një polic gjatë një operacioni në Maliq, plagoset një tjetër
- 07:56 Rama publikon pamje me mbeturina nga Zvërneci: Kjo është parajsa që duan të mbetet e paprekur
- 07:40 Humbje diplomatike për Gjermaninë në OKB, Berlini ngre dyshime për ndikimin rus
- 07:18 SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut