Champions League, Chelsea ngjitet në krye, Milani akuza gjyqtarit

Ndeshjet e së martës në Champions League kanë regjistruar rezultate surprizë, ku bie në sy humbja e Juventusit ndaj Makabi Hajfa apo barazimi i Sitizëns në Kopenhagen.

Skuadra e Alegrit u mposht në Izrael, teksa vendasit gjetën dy herë rrjetën me Atzilin. Në të njëjtin grup, PSG barazoi me Benfikën duke mos ja dalë të mposhtë portugezët edhe në ndeshjen e dytë.

Mançester Siti ka siguruar kalimin më tej në Champions edhe pse në ndeshjen e së martës barazoi pa gola ndaj Kopenhagenit. Në Itali, Milani ka zhgënjyer sërish ku është mposhtur 0-2 nga Çelsi, në një ndeshje ku nuk munguan episodet dhe kartonat.

Tomori u ndëshkua me karton të kuq në minutën e 18’ ku dhe shkaktoi një penallti që u shndërrua në gol nga Zhorzhinjo.

Goli i Obamejang mbylli llogaritë duke zbritur Milanin në vendin e tretë. Ndeshja mes Zagrebit dhe Salzburgut u nda në barazimin 1-1. Reali i Madridit gjithashtu ka marrë një barazim në minutat e fundit ndaj Shaktarit me golin e Rudiger, ndërkohë që Lajpcig fitoi sërish ndaj Selltikut dhe shton shpresat për kualifikim.

Ndërkohë ndeshja tjetër e luajtur në Gjermani mes Dortmundit dhe Sevillas u nda në barazim, me gjermanët që qëndrojnë të dytët, ndërkohë në sfidën e ardhshme kanë përballë ekipin e Guardiolës.

LEXONI GJITHASHTU

• Gazetari sportiv: Besoj se Edoardo Reja do vijojë të jetë trajner i kombëtares
• Ish-ministri rumun: S’e njohim Kosovën, të braktisim dy ndeshjet në “EURO 2024”
• “Euro 2024”, Kosova sfidë ‘derbi’ ndaj Zvicrës